#bitludoj — Public Fediverse posts

Vitra pafilego! Tiel oni foje nomas en batalaj bitludoj rolulojn, kiuj eksterordinare forte atakas, sed eksterordinare rapide mortas; kiel pafilego estas tre forta, sed vitro tre facile rompiĝas. :gutkato_dismalaperas:

Mi havas nenion por diri; mi simple trovis la nomon iom ĉarma kaj amuza, precipe se oni imagas veran vitran pafilegon. (Sed mi pensas, ke tiu kredeble rompiĝus per si mem dum la pafo.) :gutkato_hihias:

#lang_eo #bitludoj #pafilegoj #vortoj

Morgaŭ sabate (2026-01-17) ekde 16.00 UTC-e, oni ludos la bitludon [SuperTuxKart] kaj voĉbabilos dume. Vidu la ligilon por scii, kiel pretiĝi kaj aliĝi. :gutkato_salutas:

Venu partopreni se vi interesiĝas! Komencantoj (ĉu je la ludo, ĉu je Esperanto) estas bonvenaj, kaj la voĉbabilado estas nedeviga. :gutkato_dikfingro_supren:

#lang_eo #bitludoj #eventoj #SuperTuxKart

Hodiaŭ mi helpis familianon pri kristnaskaj donacoj. Mi eĉ sukcesis sendi foton de telefono al surtablo per Bludento! Ne estis facilege trovi la bonan procedon, sed sufiĉis, ke mi persistu. :gutkato_fiera:

Krome, mi ankaŭ helpis samideanon testi ĝian Luanti-servilon. Ni ludis sur ĝi »Kaptu la flagon«. Ĉio funkciis, krom vundado. Tio estis iometa problemo, ĉar neniu povis malhelpi sian malamikon kapti la flagon… krom per reciproka preno de flago. Post tiu oni devis nur atendi, ĝis tempo de la unua flagopreno elĉerpiĝos, kaj kapti la flagon. Tio ne estis tre okazoplena ludo; espereble ĝi ripariĝos. :gutkato_ridas_nervume:

#lang_eo #bitludoj #Kristnasko #Luanti #taglibro #vivo

Je la venonta sabato, 18-a tago de Oktobro, oni per interreto kunludos la liberan bitludon #SuperTuxKart, kaj dume babilos voĉe. Se vi volus partopreni (ĉu plene, aŭ ĉu nur parte), bonvolu trovi detalojn en Eventa servo. Vi ne bezonas sperton nek lerton; vi bezonas nur krei konton (en la ludo, ne en Eventa servo) por partopreni! Do aliĝu, se vi volos kaj povos. :gutkato_kontenta:

#lang_eo #bitludoj #evento #eventoj

Sabate, je la 19-a de Julio, ekde 15.00 UTC-e, oni kunludos SuperTuksKarton. La evento okazas unufoje ĉiun monaton. Se vi volas partopreni kaj eble iom babili dume, venu ludi kun ni! :gutkato_salutas:

Por kunludi, vi bezonas unue instali la ludon kaj krei konton. Kutime estas nur kelkaj partoprenantoj, kaj ni ludas sur diversaj publikaj serviloj. Lerteco je la ludo (kaj Esperanto) ne estas postulata. :gutkato_kontenta:

(Vi devos aliĝi al nia voĉa babilejo por legi kaj aŭdi gravajn informojn pri la kunludado, sed vi povos resti tute silenta, se vi preferas tion.)

#lang_eo #bitludoj #evento #eventoj #SuperTuxKart

Morgaŭ (sabate), ekde 15.00 laŭ UTC-horzono, oni ludos kune per interreto la liberan bitludon [SuperTuxKart]! Oni voĉbabilos dume, kaj ĉiu estas bonvena aliĝi. :gutkato_etendas_piedojn:

La bitludo temas pri konkurado de aŭtoj, kiujn stiras ĉarmaj personetoj, ofte bestoj (emblemuloj de diversaj liberaj programoj). Stirado estas facila, kaj vi povas ludi eĉ kiel komencanto (ĉu en la ludo, ĉu en Esperanto). Ni ne estas tre seriozaj ludantoj! :gutkato_klapkomputilo:

Se vi dezirus nur ludi (kaj ne paroli) aŭ nur spekti (kaj ne ludi), ankaŭ tio eblas. Vi devos nur instali la ludon kaj aliĝi al la babilejo. Se vi interesiĝas kaj havas konton ĉe Eventa servo, vi povas (ĉe la supre alligita evento) esprimi vian intereson, kio helpos la eventon videbliĝi. Ĝis morgaŭ! :gutkato_salutas:

#lang_eo #bitludado #bitludoj #Esperanto #eventoj #kunludado #kunvenoj #ludado #ludoj #okazoj #STK #SuperTuxKart