#ludado — Public Fediverse posts

Morgaŭ (sabate), ekde 15.00 laŭ UTC-horzono, oni ludos kune per interreto la liberan bitludon [SuperTuxKart]! Oni voĉbabilos dume, kaj ĉiu estas bonvena aliĝi. :gutkato_etendas_piedojn:

La bitludo temas pri konkurado de aŭtoj, kiujn stiras ĉarmaj personetoj, ofte bestoj (emblemuloj de diversaj liberaj programoj). Stirado estas facila, kaj vi povas ludi eĉ kiel komencanto (ĉu en la ludo, ĉu en Esperanto). Ni ne estas tre seriozaj ludantoj! :gutkato_klapkomputilo:

Se vi dezirus nur ludi (kaj ne paroli) aŭ nur spekti (kaj ne ludi), ankaŭ tio eblas. Vi devos nur instali la ludon kaj aliĝi al la babilejo. Se vi interesiĝas kaj havas konton ĉe Eventa servo, vi povas (ĉe la supre alligita evento) esprimi vian intereson, kio helpos la eventon videbliĝi. Ĝis morgaŭ! :gutkato_salutas:

#lang_eo #bitludado #bitludoj #Esperanto #eventoj #kunludado #kunvenoj #ludado #ludoj #okazoj #STK #SuperTuxKart

Saluton @didje

Kelkfoje mi ludis reverso, tamen mi preferas goon, kiu ankaŭ estas ludata per nigraj kaj blankaj ŝtonoj.

Vi eble interesiĝos pri goo (aŭ baduk, en la korea), ĉar ĝi estas abstrakta kaj tre ekscita strategia ludo.

https://eo.wikipedia.org/wiki/Goo

Bonŝancon kun la turniro de reverso! 😃 💪

#reverso #goo #ludado