🐈 貓貓時間
我哋嘅時間距離好遠嘅，你喺我嘅噚日，我哋好似太陽與月亮
我第二次覺得，好彩自己識中文
第一次係「大漠孤煙直 長河落日圓」
第二次係今次，好鍾意你嘅聲線同埋share咗嘅內容，亦都好奇你個腦成日諗緊啲乜啦
我哋時常用對方嘅時間去問候，彷彿短短嘅一日中有兩個早晨同兩個深夜
同你咁樣傾偈，我成日都覺得，一日好似只剩低短短嘅12個鐘
我都講笑，話我哋係共軛守夜人
我哋將來會點樣，我睇唔到我哋嘅未來
依家我哋真係咩話題都傾得埋，你同我講月初拎咗車牌、噚日聽聞你搵到份鍾意嘅工，我都好開心
我同你講公司嘅咩事、同你講我有幾掛住 bestie，你都接收到我嘅心情，仲會回應我、支持我
我哋係太陽同月亮，喺世界嘅彼方
16/10/2026