#diktsamling — Public Fediverse posts

Fyrstikker

Kjempar mot vinden med ei pakke fyrstikker
Kvar stikke blæs ut før ho tenner
Og før eg bit merke i det er fyrstikkpakka tom
Full av utbrente, feilgjorte stikker
Eg må håpe dei plutseleg blir fungerande att
At eska fyller seg opp
At eg finn ei ny pakke
Men butikken er stengd
Når skal eg få sjå ljoset att

———

#Dikt #Diktsamling #Litteratut #Allheimen

Demning

Ei kjensle til
Brest demninga
Må halde dei nede
Ikkje bresta no
Teip på grunnmuren
Tyggis i sprekkane
Betongen er gløymd

———

#Dikt #Diktsamling #LitteraTut #Allheimen

Berre litt til

Som eit trykk
Til tidar valdsamt, til tidar ømt
Kjenslar som vil fram, som eg ikkje er klar for
Eg må vente, eg kan ikkje ta stilling no
Trykkar tilbake mot det
Overveldar meg sjølv med alt eg kan
Distraksjonar og inntrykk
Andre ting
Ikkje dét som mitt indre vil kjenne på
Eg er ikkje klar, la meg vera, i fred
La meg vera
Ver så snill
Eg må få vera i fred, litt til, berre litt

Som ein klump
Ei valdsam greie, rett der
I kanten av synet, rett der den kan kimtast
Vil snu meg vekk, ikkje sjå, ikkje annerkjene
Ignorerar klumpen, då går den nok vekk
Eg veit den ikkje gjer det
Men eg kan lære å leve med den, den blir meg
Ein del av meg eg ikkje ser på
Ein del eg går vekk frå
Håpar ingen finner den, at ingen pirkar i den
La den liggja, berre litt til
Ver så snill
La den liggja, ute av syne, litt til

Berre litt
Til

———

#Dikt #Diktsamling #LitteraTut #Allheimen

i orden

eg ser folk som er glade hundar som lograr og grøne bladar

eg ser par som feirar mødre som rødmar og fedre som klappar

eg lukkar gardinane mine slik at eg slepper å sjå på ting som er i orden

———

#Dikt #Diktsamling #Litteratut

Det fyrste møtet med boka mi!

Musikk: Bugge Wesseltoft, Moon River
#diktbok #diktsamling #pwME

Det fyrste møtet med boka mi!

Musikk: Bugge Wesseltoft, Moon River
#diktbok #diktsamling #pwME