「精英運動員慈善基金賽馬會動感校園計劃」喺2025-2026學年繼續聯同《體路》舉辦運動路分享會，星期二（17日）去到瑪利諾修院學校(小學部)，分享會由香港現役手球運動員謝永輝（Freddie） @twfreddie 和資深體育評述員邢安邦 @yingonbong 擔任嘉賓。Freddie哥哥去年同隊友一齊出戰粵港澳全運會手球比賽，取得隊史以來最佳嘅第四名成績。多次代表香港外出作賽嘅Freddie哥哥亦透過唔同賽事相片分享佢嘅運動員生涯，過程中不斷累積經驗和實力之餘，更與同學仔分享佢喺異國比賽時遇上嘅趣事！
分享會下半部分就由資深評述員邢安邦分享其工作點滴同入行歷程。阿邦小時候被體育雜誌啟蒙，完成大學新聞學位後繼續在傳媒行業發展，輾轉之下選擇成為評述員，評述項目包括電單車、賽車及不同球類賽事。佢亦展示咗唔少工作相片，例如喺奧運期間到電視台擔任客席評述、到本地賽事現場親身解說比賽等等，令同學對評述員嘅工作內容和環境有更多認識。
========================
「精英運動員慈善基...
https://www.instagram.com/p/DV-4HXPDFBH/