#香港電影工作者總會 — Public Fediverse posts

有片︱
電影冰河期
古天樂講明演員要減片酬
業界醞釀更低成本開戲
田雞爆上半年開戲不足十套
有崗位8年冇加人工
鄭中基《阿龍》延至6月上映
無過問其婚姻狀況

#香港電影工作者總會 今晚（22日）在尖沙嘴舉行春茗晚宴，並頒發3個傑出電影工作者大獎予3位幕後工作人員，會長古天樂受訪時稱，近年大環境轉差，希望可以藉獎項鼓勵到幕後，雖然未聽聞求助個案，但知道有唔少人轉行。

由黃秋生、蘇玉華、歐鎮灝（George）主演的《不赦之罪》是總會拍電影計劃的第一套電影，暫定6月上畫， #古天樂 指《不》題材比較新，少量涉及宗教議題：「我想拎多啲唔同嘅嘢帶入香港電影，希望票房有好啲嘅成績。」年初他曾提及少戲開，現時情況未有好轉，又透露業界正研究用「更加少嘅價錢拍戲」，亦講明「減片酬係一定要啦，唔使呼籲。」

他亦鼓勵有志入行的電影人要大膽：「可以勇敢啲去創作啲新嘢出嚟，我都希望幫佢哋搵到資金返嚟拍。」問起他的大膽嘗試《明日戰記》動畫版，他簡潔指...
#電影 #經濟 #工作 #香港 #尖沙嘴 #大陸
https://www.instagram.com/p/DHgZRrNPYNg/

電影創作人現斷層
年輕編劇入行無門
總會推編劇學徒計劃 月薪不少於$15000
古天樂深信香港電影充滿生機
「希望為業界提供資源，聘用這批充滿熱誠，但缺乏機會的新一代」

近年香港電影 #編劇 出現斷層，中小型電影製作公司資源緊絀，難以負擔聘請全職編劇，而年輕編劇亦因欠缺穩定收入，未敢全身投入電影創作，為幫助 #香港電影 發展，#香港電影工作者總會 宣佈，推出「新晉編劇學徒計劃」，項目由電影發展基金資助，希望透過直接薪金補助，令電影公司聘請全職編劇學徒。

電影工作者總會會長 #古天樂 表示：「業界對新晉編劇需求迫切，然而，目前編劇大多只能透過自薦或自由身形式與不同公司合作，未能長期與固定主創、製作團隊磨合，欠缺實戰經驗。 而每年各大專院校相關學系均輸出不少創作人才，但不少矢志於電影行業發展之畢業生或新晉創作人紛紛表示入行無門。希望『新晉編劇學徒計劃』能為業界提供資源，吸納、聘用這批充滿熱誠但缺乏機會的新一代。」

首屆計劃為期18個月，將批出最多5間本地電影製作公司之資助申請，每...
https://www.instagram.com/p/C6dwMEzxcdM/

有片丨古天樂做嘉賓拍YouTube片 「想向年輕一輩學嘢」 George村屋撞邪 失魂5日靠Aiden靈符保平安

▶古天樂足本訪問：https://youtu.be/oBOCB0JDhkw
▶ George足本訪問：https://youtu.be/HhzHaQ8uMuc

#香港電影工作者總會 今晚（17日）在尖東舉行2024 春茗晚宴，會長 #古天樂、吳思遠、田啟文、蘇玉華、余香凝、衛詩雅、陳家樂、楊偲泳、廖子妤、周家怡、樂易玲、歐鎮灝等出席，筵開廿多席。

古天樂指今次是總會在疫情後第一次搞春茗，又形容食春茗食到瘦：「今年新年前食咗好多春茗飯，前幾日導演會食到第二道菜已經食唔落，不停同人傾偈，所以春茗係有助減肥。」早前古天樂在泰國為YouTuber混血肥仔錄節目，古天樂說想學吓新嘢：「了解下年輕一輩拍攝嘅形式、製作流程，電影又好，電視又好，可以喺唔同平台出現，今次答應去拍，係想喺佢哋身上學到嘢。」混血肥仔形容古天樂都識笑，古仔今日解釋：「都要有樣嘢笑先得，唔會無厘頭傻笑，我...
https://www.instagram.com/p/C4nlnT-p1FO/

不赦之罪丨黃秋生蘇玉華合拍新戲 讚新導演聰明尊重老人家 George@P1X3L處男作演強姦犯

#黃秋生 和 #蘇玉華 合拍新戲《#不赦之罪》日前開鏡，乃 #香港電影工作者總會 推出首季「總會拍電影」計劃的第二部獲選作品，由兩位新晉導演林善和譚善揚聯合執導，秋生飾演牧師，蘇玉華扮演受害者母親，#P1X3L 成員 #George歐鎮灝 飾演少年強姦犯，幾位演員都讚劇本出色，又笑言最初對林善及譚善揚首執導演筒非常擔心，而身為影帝的秋生，即場認可兩人的表現。

秋生笑指大家擔心兩位新導演，全因被兩人青澀外表嚇怕，「我又唔覺得佢哋好新，唔係咩都唔識咁，大家都溝通得非常好，又聰明又聽人講又可以消化得到好多意見，即係我唔使好擔心所有嘢，係比想像中更好同順利。」

蘇玉華就指開拍前曾跟兩位導演見面，印象深刻，很難想像劇本出自眼前兩位年青人：「今次的確係一個好好嘅劇本，呢兩個年青人好尊重我哋兩個老人家，佢哋真係每一場戲都會埋嚟同你傾，問呢場戲我會點樣處理、點樣演，我覺得係一個好真誠嘅合作。另外我...
https://www.instagram.com/p/C4dFlgOpsxl/