#攝影師 — Public Fediverse posts on home.social

【#精英運動員慈善基金賽馬會動感校園計劃運動路分享會】

「精英運動員慈善基金賽馬會動感校園計劃」喺2025-2026學年繼續聯同《體路》舉辦運動路分享會，其中陳瑞祺(喇沙)小學嘅分享會由早前喺米蘭科爾蒂納冬季奧運會取得歷來最佳第7名嘅短道速滑運動員林靜欣 @joeylcy18 ，以及喺現場影低呢個歷史性一刻嘅專業運動攝影師劉嘉承（Calum） @calumlau 擔任嘉賓。

林靜欣喺台上分享到自己嘅運動旅程，從最初由輪滑轉項短道速滑，一直以奧運會作為目標去奮鬥，中間經歷過受傷、失意、迷茫等等，唔同嘅挑戰佢都一一克服，終於喺今年走上奧運會舞台，更創下港隊歷來最佳成績。林靜欣希望以自己嘅經歷鼓勵同學要抱持最好嘅心態去面對每一個困難！雖然因為受傷而唔能夠親自示範短道速滑嘅動作，但林靜欣亦都邀請同學上台嘗試擺出短道速滑嘅過彎姿勢，相信同學都感受到，呢項運動真係相當唔簡單！

分享會另一部分就由曾經多次擔任港隊隨隊攝影師嘅Calum分享工作點滴。Calum最初以報社體育記者嘅身分加入體育傳媒行業，後來成...
https://www.instagram.com/p/DWTBxMfjd8O/