#叱咤2024 — Public Fediverse posts
Live and recent posts from across the Fediverse tagged #叱咤2024, aggregated by home.social.
-
#叱咤2024 鄭秀文奪我最喜愛女歌手 勉年輕歌手逆境中堅持：深信青出於藍勝於藍
叱咤樂壇我最喜愛的女歌手由鄭秀文奪得，這亦是她第四度獲此獎，成為史上獲得此獎最多次的女歌手。她對上一次出席叱咤頒獎禮是24年前，她今晚一邊唱出獲2019年至尊歌曲大獎的〈我們都是這樣長大的〉，一邊從觀眾席走到台上領獎，並笑言「有啲歌手仲未出世，有啲人仲喺阿媽嗰肚裏面」 。
鄭秀文說今晚對她的意義重大，特意穿回她在2000年頒獎禮奪得我最喜愛女歌手時的衣服，即紅色外套配藍色流蘇牛仔褲：「雖然嚟到今日，呢件衫唔係最光鮮、唔係最靚，我頭先熨嚟熨去佢都好巢、好皺，但係對於我嚟講，佢係充滿著住我和歌迷嘅情感，同埋我對叱咤樂壇嘅一份情懷，所以我決定一定要着呢件衫上呢一個舞台。」
她坦言， 當商台通知其得到此獎項的時候感到榮幸之餘，亦有懷疑，「有啲唔知自己應唔應該嚟」，因她過往二十多年來都沒站在頒獎台上，認為這個年紀再出席頒獎禮很尷尬和格格不入。但她心念一轉，「音樂嘅存在本身就係讓人同人有更好嘅溝通，音樂本身就係一個打破隔閡嘅最好語言」，故決定坦然站在這個舞台接受獎項。
鄭秀文親自在台上感謝每位有份投票的人，
-
#叱咤2024 獲叱咤男歌手、唱作人金獎 陳卓賢台上感謝張敬軒
2024年度叱咤樂壇流行榜頒獎典禮今晚在亞博舉行。陳卓賢（Ian）首度同時獲得叱咤男歌手及唱作人金獎。他形容自己「心跳好快，好耐未試過心跳咁快，一片空白」。
他說兩個獎頂的份量很重，所以更加要做好自己要做的事，並感謝商台、所屬公司的同事、Mirror、以及過往一年跟他合作過的音樂人等。陳卓賢在台上特別向前輩張敬軒致謝，指張在2022年獲得叱咤男歌手金獎後，將獎項交給他作勉勵，並對他說：「你擺喺屋企，我相信你有一日會攞到，攞到嘅時候你將呢一個畀返我 」。陳卓賢領獎後便對張敬軒說： 「 我今晚返去就即刻攞返去畀你。」
台下的張敬軒微笑拍掌恭喜Ian，知名「hellosss」、新任文化體育及旅遊局局長羅淑佩亦在台下觀眾席上，並對鏡頭露齒笑。
▌叱咤樂壇至尊唱片大獎：陳卓賢《Interlude》
▌叱咤樂壇唱作人
金獎：陳卓賢
銀獎：馮允謙
銅獎：林家謙▌叱咤樂壇男歌手
金獎：陳卓賢
銀獎：馮允謙
銅獎：林家謙▌叱咤樂壇女歌手
金獎：Gin Lee
銀獎：JACE 陳凱詠
銅獎：雲浩影▌叱咤樂壇組合
金獎 -
#叱咤2024 黃偉文再獲填詞人大獎：廣東歌萬歲！
黃偉文再次獲得填詞人大獎，近年移居英國的他一如既往以視像形式現身，第四度遙距領取獎項。黃先形容 2024年為「過得好幸運嘅一年」，因其歌曲得到叱咤DJ 的喜愛，並有不俗的播放率，故他感謝叱咤903、所合作的歌手、唱片公司及監製。
黃在片中表示「唔一定要再攞呢個獎」，因自己到達人生此階段，所追求的已不是播放率，反而為「繼續寫，寫得好啲，寫得再有趣啲，同埋繼續寫到大家有共鳴嘅作品。」他說，即使未來不再出現在頒獎禮之中，他仍會繼續為廣東話付出，「就算我喺台下或者遙遠嘅地方，我應承大家我都會攞曬自己出來，貢獻俾我心愛嘅廣東歌，除非有一日，大家已經唔再睇得出我寫出嚟嘅嘢同其他人有啲咩分別，除非有一日大家唔要我。」
他最後亦說，即使未來或不再獲獎，仍希望其作品能繼續在頒獎禮出現，「因為至少喺呢度，我嗰名係可以喺嗰字幕上面出現。大家好，我係其中一個心愛香港嘅廣東歌填詞人，我嗰名叫做黃偉文。祝大家新年進步！身體健康！廣東歌萬歲！」
＊＊＊
叱咤樂壇作曲人大獎：林家謙
叱咤樂壇填詞人大獎：黃偉文
叱咤樂壇編曲人大獎：黃兆銘
叱咤樂壇監製大 -
#叱咤2024 〈至少做一件離譜的事〉奪十大第五位 Kiri T台上感觸淚流不止 全場幫手大合唱
Kiri T的〈至少做一件離譜的事〉獲專業推介叱咤十大第五位，為她首個的叱咤十大獎項。Kiri T在台上激動落淚，「講咗今日唔會喊㗎，I’m so sorry.」，並哽咽感謝叱咤903、為此曲填詞的黃偉文、與她一同作曲的J.Arie和Gavin Chan、其所屬的唱片公司華納等。
音樂響起時，她仍忍不住眼淚，一度未能獻唱，「原來真係會好感動㗎上呢個台。」她問台下：「你哋識唱㗎呵？」歌手和觀眾遂「幫手」一同大合唱。
Kiri T在14歲時寫下第一首音樂作品，即容祖兒的《兩面》。之後，她簽約了何韻詩的唱片公司Goomusic，開始當幕後作曲人，亦曾當獨立創作歌手，主力唱英文歌，至2022年加入華納唱片後，開始發行廣東歌。
▌專業推介叱咤十大：
至尊歌曲大獎：〈會再見的〉馮允謙
第二位：〈間歇性休眠〉JACE 陳凱詠
第三位：〈九秒九〉容祖兒
第四位：〈回憶半分鐘〉雲浩影
第五位：〈至少做一件離譜的事〉Kiri T
第六位：〈藝術與科學 - FROM THE FIRST TAKE〉林 -
#叱咤2024 林海峰唱改詞版南音頒新人獎
2024年度叱咤樂壇流行榜頒獎典禮今晚在亞博舉行。以往頒發「我最喜愛歌手」的林海峰，今年改為頒發新人獎。他笑言「唔好同樂壇咁脫節，（自己）年紀太大」，並對新人說可稱其為「林海峰叔叔」或「Uncle Jan」，又自嘲「我要扮吓後生先，yoyoyo， make some noise，hey yo，what’s up? 」
他在頒獎前又模仿電影《破‧地獄》中的黃子華和許冠文，清唱出「改詞版」南音：「涼風有信，秋月無邊，邊度有新人，邊度就有新希望，新年新鋪新經濟，新歌新戲新紀錄，理得你陳李張黃，定係姓何，你同我柒新歌，個個Baby face點會冇市場，就算首歌幾咁，幾咁，淒涼，都祝君新年快樂！」
▌叱咤樂壇生力軍男歌手
金獎：Arvin 曾傲棐
銀獎：Teddy Fan
銅獎：CotaBoii▌叱咤樂壇生力軍女歌手
金獎：林愷玲
銀獎：Winky 黃健怡
銅獎：Sumling 李芯駖▌叱咤樂壇生力軍組合
金獎：VIVA
銀獎：ROVER
銅獎：OneUp -
叱咤2024
叱咤樂壇我最喜愛的歌曲大獎《好得太過份》
姜濤5年霸 史上最強#姜濤《好得太過份》奪得叱咤樂壇我最喜愛的歌曲大獎，這是他連續5年奪得該大獎。「我最喜愛的歌曲」5年霸， 創叱咤歷史，堪稱史上最強！姜濤唱得獎歌時，初時尚算冷靜，後來卻變得眼濕濕，聲音哽咽，顯得相當感動。
《好得太過份》是姜濤特別送給姜糖的，由徐浩作曲和監製，陳詠謙填詞，徐浩和黃兆銘編曲。講得獎感言時，姜濤只說：「好多謝MIRROR！」徐浩則說：「好多謝阿姜畀咗一隻咁有意義、咁重要嘅歌，加喺我手上。」黃兆銘表示：「多謝姜濤做咗一隻歌畀姜糖，我記得係咁，所以佢哋都畀番個禮物我哋，所以多謝大家。」
最後徐浩給姜濤打氣說：「我想講多一句，阿姜，你睇吓下面咁多姜糖支持你。有信心繼續做好去，好唔好啊？畀心機！」姜濤輕輕點頭。
#叱咤2024 #叱咤樂壇頒獎禮 #娛壹
#颁奖典礼 #音乐 #感谢
https://www.instagram.com/p/DESa1oCPhgl/ -
叱咤2024
叱咤樂壇至尊唱片大獎
陳卓賢《Interlude》“2024我發咗一個好美好嘅夢，
希望呢個夢鼓勵到大家要相信自己，
有好多嘢睇落唔可以成真，
但其實都會一一實現”#Ian #陳卓賢 的首張個人專輯《#Interlude》，奪得叱咤樂壇至尊唱片大獎。唱片由他和 #陳考威 一起任監製。
Ian說：「其實本身冇諗過會有呢隻碟出嚟，係機緣巧合，知道有個機會。當中有一隻歌叫《玩偶奇遇記》，我幾年前寫歌詞，第一句寫就係『奇遇記只不過虛構』，因為嗰陣時覺得呢個世界冇咁多美好嘅嘢，睇啲嘢比較灰濛，但係2024我發咗一個好美好嘅夢， 希望呢個夢鼓勵到大家要相信自己，有好多嘢睇落唔可以成真，但其實都會一一實現。」
#叱咤2024 #叱咤樂壇頒獎禮 #娛壹
#音乐 #奖项 #梦想
https://www.instagram.com/p/DESXKwTs7-_/ -
叱咤2024
女歌手金獎
Gin Lee首封后爆喊#GinLee 首奪叱咤女歌手金獎，激動爆喊，「我終於行到上嚟啦，行咗15年，雖然呢條路好辛苦，困難重重，但係好慶幸我從來冇放棄過，我最想多謝香港，多謝你哋接受我，認可我，雖然我唔係喺呢度出世，但呢度亦都係我嘅家，你哋全部都係我嘅家人。」
Gin Lee指曾面對非常迷惘期，差點想放棄，幸獲同事鼓勵，「其實心裏面，一直都好想證明畀自己睇，我係得㗎，嗰日開始，我同EEG每位同事，我哋冇一刻鬆懈過，係佢哋用佢哋嘅努力，一步步咁樣推我上嚟呢個女金嘅頒獎台。」
她續說：「我好想多謝每位喺我每一次好想放棄嘅時候，你哋扶我一把，多謝你哋信任，我好多謝你哋等我咁耐，等我上呢個女金嘅舞台。」最後，她激動說：「大家唔好再叫我『萬年女銀』喇！可以叫我做阿金喇！」
#叱咤2024 #叱咤樂壇頒獎禮 #娛壹
#音乐 #颁奖 #成功 #香港
https://www.instagram.com/p/DESWs3Ls8WP/ -
叱咤2024
叱咤樂壇女歌手銀獎
陳凱詠多謝父母支持
“2024係好多困難嘅一年，所以呢個獎特別有意思。對呢個世界保持信念，保持善良”#陳凱詠 奪女歌手銀獎，她說：「2024對我嚟講係好多難關，好多挑戰嘅一年，所以能夠喺今年攞到呢個獎項，對我嚟講係特別有意義。」
除了多謝所有合作單位和朋友，她更說：「多謝我嘅朋友，因為我有好多好錫我嘅朋友，佢哋唔理我有幾咁dramatic、幾咁大反應、幾咁癲，但係佢哋都錫住我，所以我好多謝佢哋。」
她續說：「多謝爹哋媽咪，爹地媽咪都有嚟到，你哋好好，因為你哋從來都係咁支持我，我先至可以做到我鍾意嘅嘢，所以你哋真係好叻，多謝你哋！」
她又指自己不是太有自信的人：「如果大家都好似我咁，希望你對呢個世界保持信念，保持善良。」
#叱咤2024 #叱咤樂壇頒獎禮 #娛壹
#獎項 #感謝 #支持
https://www.instagram.com/p/DESV6WxK-wk/ -
叱咤2024
女歌手銅獎雲浩影
“唔知自己何德何能做到偶像，今日我做到啦”#雲浩影 首奪叱咤女歌手銅獎，她激動說：「呢一刻我好想講，我好感恩，我都係一個好幸運嘅女仔，多謝大家畀呢個機會我去繼續唱更加多歌畀大家聽。」
#Cloud 並多謝屋企人︰「我爹哋喺度，多謝我爸爸，我知道佢偷偷地背後睇我啲MV，佢同我講話如果你點擊率唔夠高，公司點會幫你繼續出，跟住我要多謝我嘅妹妹，因為佢成日都會repost我啲post，多謝我媽咪，佢好關心我，佢淨係想我健健康康開開心心就夠啦。接下嚟最多謝嘅係我嘅歌迷，我曾經講過我唔知點解你哋會鍾意我，我唔知何德可能可以做到你哋嘅偶像，但係今日我覺得我做到啦，我會繼續努力。」
#叱咤2024 #叱咤樂壇頒獎禮 #娛壹
#獎項 #歌手 #感恩
https://www.instagram.com/p/DESVBSWBpJv/ -
叱咤2024
叱咤樂壇組合
金獎：Dear Jane楊洛婷父親入院
Tim集氣：外父頂住呀！“2025年係我哋入行20年
拿金獎好像長期服務獎”#DearJane 奪組合金獎，他們說：「我哋Dear Jane 2025年係入行第20年啦，所以攞到呢一個金獎，係好似一個長期服務獎送畀我哋咁嘅樣，因為每一首歌、每一個演唱會、每一個表演，我哋都會好盡力去做，希望大家畀我哋今晚好好enjoy呢一個舞台，聽朝瞓醒我哋繼續耷低頭做我哋嘅音樂。5月紅館見！」
主音Tim表示，由於外父入院，太太楊洛婷急飛溫哥華，他說：「想集一集氣，我知道佢哋睇緊live ，外父頂住呀！」
#叱咤2024 #叱咤樂壇頒獎禮 #娛壹
#獎項 #音樂 #家庭 #香港
https://www.instagram.com/p/DEST5P3K2Yf/ -
叱咤2024
叱咤十大第四位
《回憶半分鐘》雲浩影
“我一直係一個比較自卑嘅人，
我唔知應該點同人講，我係一個歌手”#雲浩影 的《回憶半分鐘》成為叱咤十大第四位，她在台上含淚哽咽，非常感動，說：「多謝呢首歌，畀我知道大家原來係鍾意我。我一直係一個比較自卑嘅人。我唔知應該點同人講，我係一個歌手，因為我未必有一首歌可以拎出嚟畀大家都識我。多謝大家喜歡，我係歌手雲浩影。」
唱歌時，她把握機會再感性分享：「我一直以為做歌手係陪住大家，其實係聽住呢首歌嘅大家陪住我。」當《回憶半分鐘》音樂奏起，雲浩影緊張說︰「我未講完㗎！」
#叱咤2024 #叱咤樂壇頒獎禮 #娛壹
#音乐 #颁奖 #歌手
https://www.instagram.com/p/DESMHH0tPxk/ -
叱咤2024
叱咤十大 第五位
Kiri T《至少做一件離譜的事》
激動爆喊：sorry我好渣#KiriT 憑《#至少做一件離譜的事》首奪叱咤十大歌曲獎，打入第五位，她在台上跟有份合作寫歌的J.Arie擁抱，J.Arie比她更先激動落淚。
負責頒獎的嘉姐說：「好開心可以親手將呢個獎送畀你，係你第一個叱吒咤獎。」
Kiri T爆喊：「sorry我好渣，多謝叱咤903，多謝你哋由我喺獨立歌手播我嘅歌，我講咗今日唔會喊，so sorry，多謝J Arie，你唔好喊呀！」她數度喊得不能唱下去，台下一眾歌手為她打氣，許廷鏗舉機為她拍照。#叱咤2024 #叱咤樂壇頒獎禮 #娛壹
#音乐 #颁奖 #歌手
https://www.instagram.com/p/DESLOQnxdhy/ -
叱咤2024
叱咤十大第六位
《藝術與科學》林奕匡、黃妍、葉巧琳葉巧琳首次公開多謝老公
“入行以來，我條路行得好慢，已經12年，今次係我第一次上呢個台。慢唔緊要，最緊要係行自己信嘅路”#林奕匡、#黃妍 和 #葉巧琳 合唱的《#藝術與科學》，成為叱咤十大第六位。林奕匡說：「多謝Sony Music，多謝同我一齊寫呢隻歌嘅Anson Chan啦，多謝作詞嘅Wyman、監製嘅Edward Chan。多謝畀我好多靈感，同埋無限力量嘅太太同細仔。」
葉巧琳感動落淚說：「入行以來，我條路行得好慢，已經12年，今次係我第一次上呢個台。慢唔緊要，最緊要係enjoy，最緊要係行自己信嘅路。多謝我屋企人，同埋要多謝今日都有嚟嘅老公，多謝你！」
黃妍表現淡定，說：「好開心啊，多謝我嘅同伴，多謝公司Sony Music，多謝903，希望日後有更加多嘅機會，可以企喺呢個台唱歌畀大家聽。」
#叱咤2024 #叱咤樂壇頒獎禮 #娛壹
#音乐 #颁奖 #感谢
https://www.instagram.com/p/DESK_sgPqEE/ -
叱咤2024
叱咤十大 第七位
洪嘉豪《黑玻璃》
“多謝我嘅fans，等咗我好多年
今年終於可以上嚟同大家唱呢隻歌”#洪嘉豪 憑《 #黑玻璃》首奪叱咤歌曲獎，獲得第七位，他多謝唱片公司華納團隊及曲詞編監，「呢幾年努力做唔同音樂畀大家，當中有啲自己好滿意作品，亦都有啲大家好喜歡，但要談論到街知巷聞，呢首歌真係第一隻。」
洪嘉豪亦多謝fans：「等咗我好多年，今年終於可以上嚟同大家唱呢隻歌，今年嘅紅館同澳門演唱會，分別帶咗《黑玻璃》MV裏面架車上自己個台，今次帶返我上呢個台。」
#叱咤2024 #叱咤樂壇頒獎禮 #娛壹
#音乐 #颁奖 #歌手
https://www.instagram.com/p/DESJ3zxoZfT/ -
叱咤2024
叱咤十大第八位
《Hey Hey OK!》Anson Lo
“唔會停止出廣東話跳唱歌"#盧瀚霆 #AnsonLo 的《#HeyHeyOK!》奪得叱咤十大第八位，由Andreas Ohrn / Simon Gribbe / Christoffer Lauridse 作曲，T-Rexx填詞。
Anson Lo在台上表示：「好多謝幫我跳過所有show嘅dancer朋友們，尤其是做跳唱歌，真係一種體力勞動，所以辛苦晒佢哋。呢首跳唱歌可以攞到獎，對我嚟講係一個最大嘅鼓舞。我係唔會停止出跳唱歌嘅，希望大家繼續留意多啲香港嘅跳唱歌。」最後他大叫：「多謝神徒！」引來台下尖叫。
#叱咤2024 #叱咤樂壇頒獎禮 #娛壹
#音乐 #颁奖 #表演
https://www.instagram.com/p/DESJBzDsAOD/