#個人郵寄服務 — Public Fediverse posts on home.social

最新一期3月號《Sportsroad Junior》已經出版！上年粵港澳全運會掀起一浪手球熱潮，當四年一度嘅綜合運動會落幕，香港手球何去何從？今期封面故事我哋訪問咗男子港隊門將梁嵐熹、女子港隊主力鄔梨鈴，以及兩支學界代表德望學校、香港道教聯合會青松中學，嘗試由佢哋嘅角度同願景去了解香港手球。

另一封面故事就專訪兩位學界長跑小將——拔萃男書院王諾弘、德望學校陳柏延，分享佢哋嘅奮鬥故事。今期亦會帶大家回顧上個月嘅多項學界比賽，其他內容包括動感校園小記者計劃實習採訪嘅學生作品、Eric Poon專欄《運動科學教室》及付鑫中醫師專欄《付醫師 ~ 運動康復筆記》，記得拎返本嚟睇喇！

今學年《Sportsroad Junior》會繼續派入各區學校，有意訂閱嘅學校可以inbox我地查詢。除咗派入學校，大家亦都可以喺18區嘅公共圖書館搵到我哋（係唔可以借走㗎！），或者到公眾免費派發點索取。我哋亦有收費個人郵寄服務（非學校），連包裝及郵費定價為$15一本。