#交代 — Public Fediverse posts
Live and recent posts from across the Fediverse tagged #交代, aggregated by home.social.
-
【宏福苑五級火 聽證會 居民作供｜太太為通知鄰居未及逃生 自責如更早通知對方或可避劫 批部門職責範圍內未考慮如何做得更好 質疑如負責者推卸責任難給居民交代】
居於宏泰閣17樓 葉家駒
（太太在大火中因逐戶拍門提醒鄰居走火警，錯過逃生機會罹難）「太太拍門係好普通，作為隔籬鄰舍應該有嘅舉動，其他街坊都有做相同嘅動作，係一個好簡單好普通，一般人都會做嘅動作。」
「喺開案陳詞，我已經見到真相好似慢慢浮出水面，唔單止有真相，而係交代……喺過去咁多日，聽到好多街坊不斷自責，覺得自己做得唔夠好，甚至乎我都覺得自己做得唔夠好，如果我早啲打俾太太，可能唔會出事。」
「呢個代價太大，政府代表律師陳詞，畀我覺得，一向程序，依然根深蒂固存在嘅陋習……喺某件事，部門因為職權、條例所限，係覺得唔夠，做得唔好，唔關佢事，但係職責範圍內，佢係咪應該諗有乜做得好啲，而唔係話唔關我事就算數？喺成個火災裡面，就係由一連串嘅疏失造成，少做少錯，唔做唔錯，如果負責要做嘅人推卸責任，點比宏福苑嘅居民交代。」