#songoj — Public Fediverse posts
Live and recent posts from across the Fediverse tagged #songoj, aggregated by home.social.
-
Junulino, kiu kantas finon de mondo
Hodiaŭ mi sonĝis pri junulino, kiu povas flugi, sed ial neniu miris pri tio. Kutime ŝi flugis proksime al tero, tamen ŝi ankaŭ povas flugi alte. Ankaŭ ofte ŝi iris surtere, ĉar ŝi ne volis, ke la kruroj malfortiĝu…
Foje ŝi trovis templon sur la supro de monto. Sur la plafono de la ĉefa ĉambro estis bela pentraĵo de nekonata mondo, kiu mirigis la junulinon, do ŝi esplorrigardis ĝin dum longa tempo. Nur poste ŝi ekvidis kojnoskribaĵojn sur unu muro de tiu ĉambro. Kaj ŝi povis legi ilin! Tio devis fari ŝin singarda, sed ne faris.
La teksto estis kanto, kaj tio tre interesis ŝin. Do post kelka tempo, kiam ŝi memorfiksis la kanton, ŝi kantis ĝin de la komenco ĝis la fino. Tamen kiam ŝi haltis, la kanto ne faris la samon. Ĝi daŭris kaj daŭris ĝis tiam, kiam el nenie aperis krude homformaj magiaj robotoj, batalantaj unu kontraŭ la alia.
Kiel la junulino eksciis, en antikvaj tempoj tiuj robotoj diskutis pri la estonteco de ĉi tiu mondo. Ili ne sukcesis interkonsenti do ili batalis. Dum tiu tempo vivo aperis memstare, kaj pro nekonataj kialoj la robotoj trovis sin endormigitaj kaj senformigitaj.
Nun ili volas krei vivon memstare. Kaj kio atendas tiujn, kiuj jam vivas?..
-
Hodiaŭ mi unuafoje sonĝis pri Aliso Seleznovo. Amuze! Lastfoje mi legis pri ŝi en 2019. Ĉiuokaze, mi ne kontraŭus daŭrigon 🤭