#markusferiedagbok — Public Fediverse posts
Live and recent posts from across the Fediverse tagged #markusferiedagbok, aggregated by home.social.
-
Og der blei feriens fyrste bøkar kjøpt!
To krimbøkar på «Den lille bokbutikken» i #Haugesund (eg les veldig lite krim??). I tillegg klarte eg å låne ei diktbok på biblioteket her, så den må eg jo faktisk få levert inn i god tid i #Bergen óg.
-
Planen var å ikkje lese så masse no på ferie. Men det har altså blitt ni bøkar. Heldigvis berre tri no dei siste to vekane me har vore på togtur.
-
I går blei jo sumarens togferie avslutta. Så i dag bestilte me så klart #interrail og nattog til i haust!
-
Blei skada av å bu ved skjenene i Åndalsnes. Kvar gong eg høyrar ein litt unaturleg ljod ute no så «tog??? TOG???»
-
#Sørlandsbanen var mykje finare enn eg hadde trudd. Forventa mest skog og veg, men blei servert masse fine tjern, elvar, og til og med fjell.
Den blir sikkert besøk att (om den held seg aktiv).
-
Då var togferien over for denne gong! Resten av ferien blir stasjonær, før ein bil tek oss sistr strekket.
Masse tog!
• Bergen - Oslo (nattog) #Bergensbanen
• Oslo - Dombås #Dovrebanen
• Dombås - Åndalsnes #Raumabanen
• Åndalsnes - Dombås
• Dombås - Trondheim
• Trondheim - Oslo (nattog)
• Oslo - Stavanger (buss for tog til Kongsberg) #SørlandsbanenDå har me ærleg talt runda Sør-Noreg langs skjenene! Vil eg iallfall påstå (og seia under lunsjen på jobb).
-
Ein ting skal #GoAhead ha. Dei har gøye tog. På turen langs #Sørlandsbanen i dag har me passert båe #Oilerstoget og #Kutoppentoget.
-
Etter ei lita formue lagt att på Oslo S er dagens fyrste etappe... Buss. 😞
Slik er det diverre, vanskeleg å unngå om ein vil oppgradere og vedlikehalde infrastrukturen.
Bussen går heilt til Kongsberg i dag før me får gå ombord toget til #Stavanger.
-
Starta dagen med å betale tjue norske kronar for å få pisse på Oslo S.
I dag skal me vidare mot... #Stavanger?? Sørlandsbanen har ingen konkrete minnar om (trur eg har tatt strekket ein gong). Me kunne likegreitt reist til Bergen og køyrd sørover, men eg ville gjerne sjå togstrekket.
-
Ein lukkeleg Markus har funnet #vegansk buffet i #Trondheim.
-
I dag tok eg ei lita sjølvkøyrande ferge i #Trondheim. Verten: «Har eg sett deg på tiktok?»
Det er to år sida eg laga videoar fast.
-
Det var til #Trondheim me måtte dra for å få sol. I dag starta eg dagen med å finne boka mi ( #UdugelegeHeltar ) på utstilling på biblioteket!
Det var så klart det viktigaste.
No held me på med noko Bakkaland-greiar... Nokre gamle hus? Eg veit ikkje. Tenkjer på boka mi.
-
I dag satt me på ordinære sitteplassar på same strekket. Eg ville sagt at sitteplassen var betre? Iallfall heilt lik.
Gratis kaffi og vatn mangla, så klart. Men utsikten var mykje meir tilgjengeleg sida me satt i kafévogna.
-
Me har kome til #Trondheim! Sol, varmt, og me har allereie tatt to stolpar.
Togturen frå Dombås var veldig fin (ingen #Raumabana så klart).
No skal me rett ut og sjå Nidarosdomen før den stengar.
-
#Dombås stasjon har kanskje ikkje kaffi, fjernsyn, brusautomat, mat, snacks, eller nyare plakatar enn frå 1999. Men den har iallefall eit ganske OK toalett.
-
Den kjensla når du pakkar ned sekken etter tri dagar på besøk, og det var litt enklare å pakke den enn førre gong.
Kva har eg gløymd??
-
I dag dro me på fin restaurant på toppen av Nesaksla i #Åndalsnes. Utsikt over heile fjorden, og mange dalar!
Toppen var midt i ei sky heile kvelden.
-
Det var nokre heilt fantastiske syn langs #Raumabanen i dag.
Vanskeleg å rangere dei, men Raumabanen, #Bergensbanen, og #WestHighlandLine (Glasgow - Fort William) er dei tri finaste togstrekka eg har tatt.
Eg trur det er lett å seia at eg likar å sjå fjell, haugar, elvar, og innsjøar ut togvindauget.
-
Norske skjenar, svensk togselskap, dansk konduktør. No er me globetrottarar!
-
Starta dagen med å betale tjue norske kronar for å få pisse på Oslo S. Eg elskar faktisk å måtte betale for toalett. Då følar eg systemet fungerar.
Men... Togferie! Vakna på Oslo S, og etter ein kort pause skal me rett nord til Dombås. Det togstrekket har eg ikkje tatt sida eg var mykje yngre.
-
Eitt år som trulova i dag. Me var i Disneyland i fjor, i Odda i dag. Annleis, men likt.
-
I dag har me starta ferien skikkeleg. Me skal kose oss på hytta i underkant av ei veke. Det skal vera drittvêr, så det blir masse spel, lesing, fotball, og kanskje skriving.
Me høyrar normalt sett på musikk i bilen, men i dag prøvde me oss på ljodbok («Yt etter evne, få etter behov» av Olaug Nilssen) som var veldig koseleg.
For eitt år sida var me óg på ferie, og eg strevde med ringen som eg skulle gøyme i lomma i ei veke til.