#mangajoj — Public Fediverse posts

Kompotoj estas bongustaj! Mi amas kompotojn! :gutkato_kontenta:

#lang_eo #manĝaĵoj #vivo

KUKUUUUUUUUUUMOOOOOOJJJ!!! :gutkato_xD:

Bonan apetiiiitooon!! Hu ra! :gutkato_hura:

Aŭ, kiel diras anglalingvanoj: Hu za! :gutkato_hura:

Bahahahaha, ili parolas tiom stultete. :gutkato_x3:

Kaj tio ne estas ofendo. Tio estas ŝata konstato. Mi amas anglalingvanojn. Nu, ne ĉiujn. Eeeeeble iujn. Sed tio… estas… se-kre-to! :gutkato_koro: :gutkato_palpebrosigno:

#lang_eo #fotoj #fruktoj #manĝaĵoj #kukumoj #kukumoj #kukumoj #legomoj #vivo

Hodiaŭ mi manĝis dolĉajn terpomojn kun verdaj fazeoloj kaj jogurta fromaĝo. La terpomoj kun la fromaĝo estas tre bona kaj simpla manĝo, kiun mi fojfoje faras. La fazeolojn mi aldonis pro kaprico kaj ĉar estas Verda ĵaŭdo. :gutkato_verda:

En Ĉeĥujo, la paskaj tagoj havas siajn nomojn, kaj ĉi tiu ĵaŭdo nomiĝas »verda«. Laŭ kutimo oni manĝu ion verdan hodiaŭ. Interese, dum tiu tago, oni povas aĉeti en multaj drinkejoj kaj restoracioj verdan bieron. Mi ne prenis ĝin ĉi-jare, ĉar mi tute ne emis trinki alkoholaĵon. Anstataŭe, mi trinkis verdan teon. :gutkato_trinkas_teon:

Tamen mi nun estus pli kontenta, se mi scipovus kuraci korojn. Eble eblas nur fidi je tempo. :gutkato_malgaja:

#lang_eo #fotoj #kuirado #kuirarto #manĝaĵoj #vivo

Hodiaŭ mi iom forordigis restaĵojn post la kristnaska festado. Ankoraŭ sabate oni organizis ekstran feston. Mi ne malŝatas festojn, sed ĉio estu en bona mezuro… Verdire mi ĝojas, ke nun finfine estas iom da paco, kun nenio okazanta nek planita. :gutkato_ridas_nervume:

Vespere mi faris macon. Mi uzis pli grandan proporcion de fagopira faruno ĉi-foje. Ĝi vere igas la paston pli disfalema komence, sed post eble dek minutoj da knedado, la pasto komencas kunteniĝi. Eble la ideala enhavo estas ĉirkaŭ 40 % da fagopira faruno (kaj la cereto estas tutgrena tritika faruno). Ĉiuokaze temas pri bongusta, komforta, kaj facila recepto, kaj do mi povas simple eksperimentadi plu. :gutkato_dikfingro_supren:

Mi elektis ĝin ankaŭ ĉar mia stomako ne estis tute kontenta, kaj mi manĝis ĝin kun la facile digestebla Teŝana fromaĝo. Kaj fermentintaj kukumoj. Mi ne certas, ĉu tiuj facilas al la stomako, sed por eventualaj problemoj mi havas mineralan akvon. :gutkato_trinkas_akvon:

#lang_eo #fotoj #manĝaĵoj #kuirado #taglibro #vivo

Semajnfine mi ĝuis filman vesperon, kaj kompreneble devis preni akordan manĝaĵon! Do mi faris krevmaizon, varmigis kolaon, kaj prenis kringojn en ĉokolado. :gutkato_malsata_manĝilaro:

Ĉu ili estis tre bongustaj? Jes ja! :gutkato_hura:

Ĉu mi prenis tro da sukero kaj kafeino tiutage, longe ne povis ekdormi, kaj fartis iom malbone dum la sekvinta tago? Jes ja. :gutkato_ploras_riveron_cede:

Memoru ĉiam manĝi sukeraĵojn nur modere! Se vi ne mortos hodiaŭ, vi povos refoje manĝi ilin modere morgaŭ. :gutkato_dikfingro_supren:

#lang_eo #fotoj #kinofilmoj #kuirado #manĝaĵoj #vivo

Antaŭ kelka tempo, mi faris patkukojn. Ĉi-foje ne la grandajn maldikajn, sed la dikajn malgrandajn. Ili estis bongustaj kaj malpli penigaj, ĉar oni facile povas fari plurajn samtempe. Eble mi farados ilin pli ofte. :gutkato_kontenta:

#lang_eo #fotoj #kuirarto #manĝaĵoj #patkukoj

Mi refoje faris omletrizon. Ĝi estis bongusta, sed eble enhavis iom tro da sojsaŭco. Mi ankoraŭ devas perfektigi la guston. :gutkato_pensas:

#lang_eo #fotoj #manĝaĵoj #omletrizo #vivo

Freŝdate mi ekvolis fari patkukojn. Kaj do mi faris patkukojn! :gutkato_hura:

Ekzistas diversaj specoj de patkukoj, tradicie farataj en diversaj landoj. Ĉi-foje mi sekvis hazarde trovitan francan recepton por la maldika franca speco de patkukoj (tie nomata crêpes). :gutkato_heroo_bastonpano:

La recepto estas tre simpla, kaj la teĥniko ne estas tre malfacila… sed la tempo! La tempo! Mi facile forgesis, ĉar mi ne faras ilin ofte, ke oni pasigas horojn starante apud la kuirilo, verŝante paston, kaj fritante, unu post unu, la patkukojn. :gutkato_xwx:

Dankinde, ili tre bongustis! Mi servis kun kirlita kremo, framboj, mirteloj, kaj dolĉa kroata siropo, kiun mi ricevis donace, kaj kies enhavo estas por mi mistero, ĉar mi ne parolas la kroatan. :gutkato_hihias:

#lang_eo #kuirado #kuirarto #manĝaĵoj #patkukoj #vivo

Mi manĝis omleton kun ruĝa lento! :gutkato_kontenta:

Nu, la foto estas iom trompa. Mi fotis kaj manĝis la pladon, kiun ĝi montras, antaŭ du semajnoj. Sed la hodiaŭa aspektis simile, kaj gustis simile bone. :gutkato_hihias:

#lang_eo #kuriado #kuirarto #lento #manĝaĵoj #omletoj #vivo

Antaŭ nelonge mi bakis spickukon! Domaĝe la supro iomete bruliĝis kaj mi devis senŝeligi ĝin. Sed almenaŭ tio donis bonan pretekston, kial mi nepre kovru la supron per kirlita kremo. :gutkato_hihias:

#lang_eo #bakado #fotoj #kuirado #manĝaĵoj #spickuko #vivo

Mi kuiris ankaŭ fiŝon kun fungoj, spinaco, kaj spinac-terpomaj pastaĵbuletoj. La manĝo estis tre bongusta! :gutkato_manĝas_fiŝon:

#lang_eo #fotoj #kuirado #manĝaĵoj #vivo

Hieraŭ mi manĝis tigobrasikon, sed forĵetis unu pecon, ĉar ĝi estis amara. Ekde tiam, ĝis hodiaŭ, mi ne povis senigi la ĉambron je odoro de tigobrasiko, ĝis mi rememoris, ke ankoraŭ restas peco en la rubujo. Tre persist-odora legomo! Sed ankaŭ tre bongusta. :gutkato_manĝilaro:

#lang_eo #legomoj #manĝaĵoj #tigobrasiko #vivo

Jen la rezulto, malaltkvalite ĉiamigita.

#lang_eo #foto #fotoj #manĝaĵoj