#luxpol — Public Fediverse posts

Décke Gas? Oder éischter déck Präisser?
D’Energiepolitik vun CSV an DP gëtt eng deier Wichs!

All Kéier wann al Männer e Krich op der Welt ufänken, mussen d’Bierger*innen nach méi déif an d’Täsch gräife fir Elektresch, Gas a Besinn 🫩

An amplaz d’Energiewend ze beschleunegen, fir aus där deierer Ofhängegkeet erauszekommen, dréckt d’Regierung op d’Brems:
manner Hëllefen fir Solaranlagen, E-Autoen oder Veloen. #luxpol #lëtzebuerg

D’Resultat no der éischter Hallschent vun dëser Regierung ass net déck 🙄
Mir froen eis ob si iwwerhaapt nach Loft huet fir déi 2. Hallschent? #luxpol #luxembourg #lëtzebuerg

Du fills dech ugesprach? Da weess de wat s de ze maachen hues
➡️ https://greng.lu/gitt-member/ 🌻

#luxpol #Lëtzebuerg

An der zweeter Fro ass et ëm ee méigleche Subside fir Veräiner gaangen déi nohalteg schaffen. D'Svenja wollt sech hei beim Schäfferot ofsécheren, datt en eis Propose vum Prinzip hir ënnerstëtzt befir hatt domadder an d'Emweltkommissioun geet fir de Subside auszeschaffen.

D'Fro an Äntwert dozou kann een hei nolauschteren: https://grenglokal.lu/content/uploads/sites/28/2025/09/250922-Fro-Okosubsiden.mp3
#Ettelbréck #luxpol

Beim Streetwork: Wéi laang ass dat schonn en Thema? Mëttlerweil seet jiddereen, datt #Ettelbréck vun esou engem System profitéiere géing. Zwar huet de Schäfferot sech bei der leschter Budgetsdebatt oppe gewisen eppes an déi Richtung ze ënnerhuelen, gläichzäiteg gëtt awer bei all neier Diskussioun kloer, datt vill Majoritéitsgemengeréit hei näischt maache wëllen.

Mir bleiwen op alle Fall bei all dësen (an aneren) Themen drun! 🌻 #luxpol

🌻 Réckbléck op de leschte Gemengerot

D'Svenja Birchen hat zwou Froen agereecht. Bei der Éischter ass et ëm d'Notze vu Kënschtlecher Intelligenz op der Gemeng gaangen. Eis war nämlech opgefall, datt d'Gemeng op hirem FB-Account ee Post mat engem vu KI generéiertem Bild versinn hat.
Audio: https://grenglokal.lu/content/uploads/sites/28/2025/07/250714-Fro-KI.mp3

Bei der Zweeter wollt eis Gemengeréitin wëssen, wéi d'Gemeng sech géint Problemer an der Gestioun vun de Finanze schützt. Audio: https://grenglokal.lu/content/uploads/sites/28/2025/07/250714-Fro-Finanzskandaler.mp3 #luxpol #Ettelbréck

Et gëtt och eng nei Rubrik um Site. An zwar sammele mer d'Questions parlementaires déi vun eis an der Sektioun initiéiert goufen. Dat ass bis elo réischt eng, mä do soll geschwënn eng zweet derbäi kommen. https://ettelbreck.greng.lu/parlamentaresch-froen/

Alles mam Zil, datt ee kee Social Media brauch fir iwwer eis Aarbecht informéiert ze sinn.
Hutt dir soss nach Iddien? #luxpol #Ettelbréck

Ech verstinn ëmmer besser, wisou ëmmer manner Berichter iwwer Gemengeréit an den Zeitunge sinn. Et ass eng fuurchtbar langweileg Aufgab.

Dat gesot, de Website ass nees aktuell ^.^ https://ettelbreck.greng.lu/eis-aarbecht-am-gemengerot/ #luxpol #Ettelbréck

🗣 Ee Méinden ass zu #Ettelbréck de leschte Gemengerot virun der Summerpaus

Och fir dëse Gemengerot huet eis Gemengeréitin Svenja Birchen zwou Froe fir de Schäfferot preparéiert. Eng Kéier geet et drëms, wéi d'Gemeng sech géint d'Ennerschloe (an änlechem) vu kommunale Gelder schützt. An der zweeter Fro wëll d'Svenja gäre wëssen, wéi (an ob) an der Gemeng mat KI geschafft gëtt an ob et dozou Consignë vum Schäfferot un déi verschidde Servicer gëtt. #luxpol

#luxpol De #Bettel schéisst erëm aus der Heft: Lëtzebuerg hätt keng Mëttelen dass sech Entreprisen zu Lëtzebuerg un Internationaalt Recht halen. Dat ka jo elo wierklech kee méi gleewen.

🤡 O dach, an et kennt nach eng drop: https://www.rtl.lu/news/national/a/2317819.html

Politik ass just nach performativ, et gëtt keng inhaltlech Ausenanersetzung méi mat deem wat ee wisou mécht - a mir steet et an dësem Fall bis zum Hals.

Wat #Ettelbréck op der enger Säit fir d'Kanner mécht ass top. Ech kann a wëll dat net kritiséieren.
Op der anerer Säit hu mer halt een CSV-Schäffen, deen de Kanner eng ganz Rei vu Rechter, déi hei zelebréiert solle ginn, ewech huele wëll - a gëtt dobäi vun LSAP-Buergermeeschter bis déi oppositionnell DP verteidegt. #luxpol

Gëschter ass am Ettelbrécker Gemengerot iwwer déi nei Délibération concordante zur #Nordstad-Fusioun ofgestëmmt ginn. Et geet drëms de Fusiounswëllen nach eng Kéier ze bestätegen an eng konkret Zäitschinn festzeleeën ('27 Referendum, '29 Fusioun). Ouni Iwweraschung war dee Vote hei eestëmmeg dofir. Änlech sollt et och zu Schieren an Dikrech ausgesinn. Ierpeldeng-Sauer a Bettenduerf si mer dodergéint ee komplett Rätsel.

D'Diskussioun zu #Ettelbréck hei: https://ettelbruck.lu/citoyen/wp-content/uploads/sites/2/2024/05/04_Fusion-Nordstad_2024_05_22.mp3 #luxpol

Wann der d'Budgetszuele fir déi nächst Jore vun #Ettelbréck kennt, da wësst der och wisou dat do elo dringend ass.

(Onofhängeg dovunner ass d'Fuerderung awer och richteg.)
https://www.rtl.lu/news/national/a/2147537.html #luxpol

Gëschter gouf d'Schäfferotserklärung fir #Ettelbréck virgestallt. Gi grad duerch déi schrëftlech Versioun.

Et gëtt par Rapport zu viru 6 Joer een neit Kapitel fir de Logement. Den Inhalt ass awer net nei. Do stinn zu 4/5 déi selwescht Saachen dran wéi schonn an anere Kapitelen déi leschte Kéier 🤷🏻‍♂️

Mäi Liiblingspunkt hei ass awer mat Sécherheet, datt een net ze séier wuesse wëll. #luxpol

Floskelen, déi ech dëst Joer net méi héieren/liese wëll: "D'Gemengewale sinn d'Generalprouf fir d'Chamberwalen!"

Nee, sinn se eben net. #walen23 #luxpol