#arto — Public Fediverse posts on home.social

otfiriT :flago_esperanto: @[email protected] · 2025-11-21 · 16:20 UTC

Hodiaŭ mi trovis la Federujan konton de @librewolf, ŝanĝita versio de [Firefox], kiun mi uzas. Ĝi elsuĉis mian ĝojon je vivo. :gutkato_morta:

Kial? La profilbildo montras emblemon de la projekto, kun la fono ŝanĝita al koloroj de la »interseks-inkluziva progresa TASula flago«. [LibreWolf] ne estas la unua projekto, kiun mi vidas uzi tiun flagon, kaj tio ĉagrenas min. Eble vi nun pensas: »Kial tio ĉagrenas vin? Kio estas la problemo?« Samideanoj, mi kunsendas la profilbildon kaj la flagon. Rigardu ilin, se vi sentas vin kuraĝaj, kaj la problemo rapide evidentiĝos al vi. :gutkato_okulvitroj:

La flago estas abomenaĵo! Abomenaĵo farita por ofendi ne konservemulojn, ne ekstremdekstrulojn, sed tute sendistinge ĉiujn homajn okulojn! Ĝi senkompate atencas la bazan senton de belaspekto mem! :gutkato_brulas:

Antaŭ kelka tempo, iu havis brilan ideon: Kiel ni reprezentu belecon kaj diversecon de homa naturo? Per ĉielarko! Ĉielarko estas bela. Nenio mankas al ĝi. Ĝi enhavas ĉiujn kolorojn, kaj do perfekte taŭgas por kovri ĉiujn nuancojn de homeco. Hodiaŭ, la ĉielarka flago estas vaste rekonata simbolo de TASuloj tutmonde. Simple. Bele. Dek el dek. :flago_tasuloj: :gutkato_afiŝo_10_el_10:

Poste, iuj personoj havis aliajn ideojn: Kial ni ne aldonu ekstrajn kolorojn al la flago? Kial ni ne aldonu eĉ pliajn ekstrajn kolorojn al la flago? Kial ni ne aranĝu ilin kiel pintajn striojn, malpli dikajn ol la ĉielarkaj strioj, kaj ne aldonu triangulon, ĉi-foje pli dikan ol la ĉielarkaj strioj? Jes, la respondo devis esti dekomence evidenta: Ĉar tio estas tute superflua. Ĉar tio aspektas terure. Ĉar la flago mem tiom hontas pri sia aspekto, ke ĝi ruĝiĝas – ĉar kovras ĝin la sango, kiu ekfluis el niaj okuloj, kiam ili rigardis ĝin. Bedaŭrinde, tio ne haltigis ilin. :gutkato_malesperetas:

Oni supozus, ke tia flago ne havas ŝancon disvastiĝi. Oni supozus malprave. Tro ofte, mi vidis la profilbildon de amata libera projekto senaverte tordiĝi al formo similanta vomaĵon de radiaktiva kornoĉevalo. Eble du- aŭ tri-foje, sed eĉ unu fojo trous. Kial? Eble oni volas montri, kiom radike kaj perforte oni pretas agi por defendi la rajtojn de malplimultoj. Sed mi kredas, ke ekzistas vojo pli paca, vojo pli harmonia. :gutkato:

Amikoj, samseksemuloj estas niaj gefratoj. :flago_inemulinoj: Neseksemuloj estas niaj gefratoj. :flago_neseksemuloj: Pluramuloj estas niaj gefratoj. :flago_pluramuloj: Transseksuloj estas niaj gefratoj. :flago_transseksuloj: Interseksuloj estas niaj fratipoj. :flago_interseksuloj: Ili ĉiuj meritas egalajn rajtojn kaj havas belajn flagojn… almenaŭ ĝis oni kungluas ilin ĉiujn en unu teruran malsanktaĵon. Kompreneble, ankaŭ blinduloj kaj aliaj malkapabluloj estas niaj gefratoj. :flago_malkapabluloj: Ni subtenu ilin. Sed tio ne signifas, ke ni nepre aniĝu ilin. Ni povos labori pli efike, se almenaŭ iuj el ni konservos niajn okulojn. Do bonvole… bonvole uzu la belan, sekuran, ĉielarkan flagon. Dankon. :gutkato_koro_tasuloj:

#lang_eo #arto #flagoj #libera_programaro #taglibro #TAS #TASuloj #vivo

#tas #tasuloj #arto #flagoj #lang_eo #libera_programaro

otfiriT :flago_esperanto: @[email protected] · 2025-11-13 · 15:47 UTC

Hodiaŭ mi publikigis novan rakonton kun la nomo »Mortanĝelo«. Ĝi temas pri verkisto, kiu pasigas siajn lastajn momentojn per lukto kontraŭ tempo, strebante fini sian lastan strekon antaŭ sian lastan spiron, antaŭ ol la mortanĝelo lin forprenos. :gutkato_fantomo:

Mi pensas, ke la rakonto bone akordas verdan teon aŭ cikorion. Agrablan legadon. :gutkato_trinkas_teon:

#lang_eo #arto #rakontoj #verkoj

#arto #lang_eo #rakontoj #verkoj

Massimo Ripani @[email protected] · 2025-05-20 · 18:58 UTC

🎨 Botero: la arto de volumoj kaj fabloj

Tre interesa artikolo en Monato pri la unika stilo de la kolombia artisto Fernando #Botero. Liaj famaj “dikiĝintaj” figuroj – toreroj, ĵonglistoj, religiaj scenoj – ne estas nur ŝerco aŭ troigo, sed esprimo de tuta vidmaniero.

Laŭ la artikolo Botero kreas mondon nostalgian, preskaŭ fabelan, kie oni sentas la pezon de pasinteco kaj beleco samtempe.

📖 Leginda por ĉiuj ŝatantoj de arto kaj kulturo:
🔗 https://www.monato.be/2017/012037.php

#Arto #Kulturo #Esperanto

#botero #arto #kulturo #esperanto

Massimo Ripani @[email protected] · 2025-05-19 · 20:32 UTC

🎨 La mistero pri la blankaj konvaloj
Plonĝu en la fascinan vivon de Ivan K. Ajvazovskij, majstro de marpentraĵoj, kaj malkovru liajn pasiajn rilatojn kun famaj virinoj kiel la baletistino Marie Taglioni. Ĉu vi scias, kiel konvaloj ligiĝas al lia rakonto?

📖 Legu la artikolon en Monato:
👉 https://www.monato.be/2022/013077.php

#Arto #Historio #Ajvazovskij #Monato #Esperanto

#arto #historio #ajvazovskij #monato #esperanto

Massimo Ripani @[email protected] · 2025-05-19 · 20:32 UTC

🎨 La mistero pri la blankaj konvaloj
Plonĝu en la fascinan vivon de Ivan K. Ajvazovskij, majstro de marpentraĵoj, kaj malkovru liajn pasiajn rilatojn kun famaj virinoj kiel la baletistino Marie Taglioni. Ĉu vi scias, kiel konvaloj ligiĝas al lia rakonto?

📖 Legu la artikolon en Monato:
👉 https://www.monato.be/2022/013077.php

#Arto #Historio #Ajvazovskij #Monato #Esperanto

#arto #historio #ajvazovskij #monato #esperanto

Massimo Ripani @[email protected] · 2025-05-19 · 20:32 UTC

🎨 La mistero pri la blankaj konvaloj
Plonĝu en la fascinan vivon de Ivan K. Ajvazovskij, majstro de marpentraĵoj, kaj malkovru liajn pasiajn rilatojn kun famaj virinoj kiel la baletistino Marie Taglioni. Ĉu vi scias, kiel konvaloj ligiĝas al lia rakonto?

📖 Legu la artikolon en Monato:
👉 https://www.monato.be/2022/013077.php

#Arto #Historio #Ajvazovskij #Monato #Esperanto

#esperanto #monato #ajvazovskij #historio #arto

Massimo Ripani @[email protected] · 2025-05-19 · 20:32 UTC

🎨 La mistero pri la blankaj konvaloj
Plonĝu en la fascinan vivon de Ivan K. Ajvazovskij, majstro de marpentraĵoj, kaj malkovru liajn pasiajn rilatojn kun famaj virinoj kiel la baletistino Marie Taglioni. Ĉu vi scias, kiel konvaloj ligiĝas al lia rakonto?

📖 Legu la artikolon en Monato:
👉 https://www.monato.be/2022/013077.php

#Arto #Historio #Ajvazovskij #Monato #Esperanto

#arto #historio #ajvazovskij #monato #esperanto

otfiriT :flago_esperanto: @[email protected] · 2025-01-31 · 18:27 UTC

Mi ĵus publikigis novan, tre mallongan rakonton: »Fulmo«. Ĝi estas facila por cerbo kaj koro. Mi invitas vin legi kaj komenti! (Kaj kopii, redakti, traduki… ĉar ĝi estas libera, laŭkutime.) :gutkato_libro:

#lang_eo #arto #libera_arto #libera_kulturo #rakontoj #verkoj

#arto #lang_eo #libera_arto #libera_kulturo #rakontoj #verkoj

otfiriT :flago_esperanto: @[email protected] · 2024-10-20 · 12:45 UTC

Nu, mi finfine aŭskultis la muzikan albumon Verdstelaro de @autumn_64. Jen eta recenzo do. :gutkato_kapaŭskultiloj:

La albumo estas malgranda; ĝi konsistas el ses pecoj. Tri estas originalaj kantoj, du estas senvoĉaj versioj de iuj el tiuj kantoj, kaj la lasta estas (ankaŭ senvoĉa) kovro de alia kanto, kiu venas de televida seriaĵo, se mi bone komprenis. :gutkato_eta:

Muzike, ĝi ŝajnas bone farita al mi. La speco de muziko domaĝe ne tre plaĉas (nek tre malplaĉas) al mi, kaj do mi ne povas bone taksi ĝin. La kantoj ne havas multajn tavolojn; la aŭtoro ludas melodion per kelkaj muzikiloj kaj eble kantas dume. Se mi ĝuste aŭdis, unu kanto uzas ĉefe pianon, du uzas ĉefe gitarojn, kaj la kovra uzas (tre tre belsone) ĉinajn muzikilojn. Ili kunfunkcias kaj sonas bone. :gutkato_pensas:

Du el la kantoj estas emociaj, kaj esprimas amon kaj sopiron je iu persono; la tria estas gaja kaj festa, kaj mi trovis ĝin agrable amuza. Por mi la tekstoj eble estas iom tro nerimaj, kaj foje impresas iom malflue, sed ili bone akordas la muzikon. Arte, plej plaĉas al mi la teksto de »En ĉia kor’«, ĉar ĝi esprimas ideojn malpli rekte, sed ne tro konfuze. :gutkato_libro:

Lingve, bedaŭrinde, ĝi havas kelkajn misojn: plej grave gramatikan eraron kaj kelkajn malfaciligajn trovortojn. Tial mi ne opinias ĝin bona senpripensa lingvo-spertilo por lernantoj. Alizorge, la aŭtoro fojfoje elparolas vokalon tiom mallonge, ke ne klaras al mi, ĉu ŝi nur mallongigis la silabon, aŭ tute forgesis meti ĝin, sed dankinde la muziko ne vere diktas silabo-kvanton. Krome, ĉio ŝajnas en ordo. :gutkato_averto:

Tre grave, la albumo eldoniĝis sub libera permesilo (CC BY 4.0); vi do povas libere aŭskulti kaj kunhavigi ĝin, kaj ankaŭ krei derivitajn verkojn. Tio estas socie laŭdinda afero, kaj ni esperu havi pli kaj pli da tiaj artaĵoj! :gutkato_hura:

Resume, se vi hezitas, vi provu! Ni esperu, ke Moniko eĉ pli riĉigos sian diverslertan esprimadon kaj alĝustigos sian reklamadon en sia venonta kanto »Ĝia nomo estas Federujo«. :gutkato_3c:

#lang_eo #albumoj #arto #aŭskultado #Esperanto #muziko #recenzo #recenzoj

#esperanto #albumoj #arto #auskultado #lang_eo #muziko

otfiriT :flago_esperanto: @[email protected] · 2024-08-09 · 16:46 UTC

Hieraŭ mi finfine publikigis mian tute novan bildosignaron: Gutkatojn! :gutkato_trinkas_teon:

Kiel ĉiu bona federujano, mi amas gutkatojn, sed iom ĝenis min, ke ekzistas neniu kohera kaj libera gutkata bildosignaro. :gutkato_xwx:

Tial mi faris denule, per propraj manoj, pli ol 200 originalajn gutkatojn, kiujn vi nun rajtas libere uzi, redakti, kaj kunhavigi (laŭ kondiĉoj de la Permesilo de arto libera). Kaj la nombro espereble plu kreskos! Komentoj kaj ripetoj estas tre bonvenaj. Disvastigu amon, disvastigu gutkatojn! :gutkato_kimegesto:

#lang_eo #arto #bildoj #bildosignoj #bildosignaroj #desegnaĵoj #Esperanto #Federujo #gutkatoj #katoj

#esperanto #federujo #arto #bildoj #bildosignaroj #bildosignoj

otfiriT :flago_esperanto: @[email protected] · 2024-07-31 · 20:46 UTC

Nu, mi finfine aldonis la flagan bildosignaron, kiun mi faris por ĉi tiu federuja servilo, al mia retejo, kun pli detalaj priskriboj kaj klarigoj.

:flago_esperanto: :flago_olimpiaj_ludoj: :flago_tibeto: :flago_inemulinoj: :flago_marrabistoj:

Eĉ pli bone, @jadedctrl starigis la tradukilon #Weblate kiel novan servon, kie oni povas nun traduki la nomojn de la flagoj al aliaj lingvoj, kaj tiel faciligi uzadon al ne-esperantistoj! :gutkato_kontenta:

#lang_eo #arto #bildosignoj #Esperanto #Federujo #flagoj #tradukado

#esperanto #federujo #weblate #arto #bildosignoj #lang_eo

Singirankabo ابو عادل Jérôme @[email protected] · 2024-02-14 · 20:30 UTC

Esperaĵo: "pri ni"
https://esperaĵo.net/espero/pri-ni/
Esperaĵo estas organizo kaj retejo kiu senprofite zorgas pri disvastigo de esperantaĵoj (t.e.bitlibroj,mangaoj, aŭdvidaĵoj). Nia agado respondas al la nehavo de popkulturaĵoj ŝateblaj kaj ĝueblaj de la plej junaj generacioj de esperantistoj kaj lernantoj.
...

1/2

#japanio #mangao #filmo #esperanto #traduko #EsperantaLiteraturo #japanujo #lang_eo #esperaĵo #esperajho #esperajxo #kulturo #bitlibroj #bitlibro #libro #sonlibro #sonlibroj #arto #legado

#japanio #mangao #filmo #esperanto #traduko #esperantaliteraturo

Singirankabo ابو عادل Jérôme @[email protected] · 2024-02-14 · 20:16 UTC

Mi ĵus malkovris tiun retpaĝon:
Esperaĵo.net https://esperaĵo.net/
"Verkoj por la espero de esperanto"
Ĝi proponas multajn esperantajn verkojn (tradukojn) per malsamaj formatoj: filmoj, mangaoj, libroj, sonlibroj..

Tio estas la "lastatempaĵo"
https://esperaĵo.net/filmoj/via-nomo/

(Bedaŭrinde mia konekto ne permesis al mi elŝuti la filmon ĝis nun.)

Ĉu vi iam konis ĝin?

#esperanto #esperantatekstaro #EsperantaFilmo #mangao #sonlibro #sonlibroj #mangaoj #radio #kulturo #literaturo #arto #japanio #japanujo

#esperanto #esperantatekstaro #esperantafilmo #mangao #sonlibro #sonlibroj

otfiriT :flago_esperanto: @[email protected] · 2023-09-06 · 15:57 UTC

:gutkato_ideo: Fojfoje mi ekhavas tre bonan ideon pri io, kion mi povus verki. (Ekzemple rakonto, aŭ eĉ rakontaro.) Sed baldaŭ aperas multaj konkurantaj ideoj pri tio, pri kio ĝi devus precize temi, kiuj personoj devus roli en ĝi, kiel ili povus nomiĝi, kaj kiel la intrigo povus disvolviĝi… kaj tiam mi ne kapablas elekti inter la abundo de elektebloj, kaj mi ne scias, kiel daŭrigi. Rezulte, anstataŭ verki, mi ofte nur pene pripensas ĉiujn eblojn, ĝis mi laciĝas, kaj mi verkas nenion. :gutkato_dormas:

Eble mi devus »malpli pripensi kaj simple verki«, kaj tiel spertiĝi kaj lertiĝi je verkado, kaj eble tio helpus min pli facile venki aŭ eviti ĉi tiajn obstinojn ose. Sed tio neniel helpas min venki la obstinojn, kiuj blokas min nun. Kion fari?

#lang_eo #arto #skribado #verkado #vivo :gutkato_pensegas:

#arto #lang_eo #skribado #verkado #vivo

Ludoviko @[email protected] · 2023-02-01 · 10:24 UTC

Opero kaj kino estas du formoj de arto, kiuj ofertas malsamajn kaj unikajn spertojn, sed ili ankaŭ havas kelkajn komunajn punktojn. Dum opero emfazas sur la viva prezentado kaj muziko, kino baziĝas sur la vidiga narrativo kaj la kreado de imersiva sperto.

Kiu estas via preferata artformo? Ĉu opero aŭ kinejo? Ĉu vi opinias ke unu formo estas supera al alia aŭ ĉu ambaŭ estas egale valoraj laŭ sia propra rajto?

#arto #opero #kino